რეფლექსიები

6.11.2018წ.
პირველი გაკვეთილი

• პირველ გაკვეთილზე მოსწავლეთა დასწრება იყო სრული შემადგენლობით.
• წრეს ესწრებოდა მე-5,მე-6 კლასის მოსწავლეები:4 გოგონა და 2 ვაჟი.

     გაკვეთილის მიზანი:მოსწავლეები გაეცნობიან საწრეო მუშაობის საკითხებს,შეიმუშავებენ წრის წესებს და გაითვალისწინებენ სამუშაო შეხვედრებზე.

        წრის პირველ გაკვეთილზე გავაცანი მოსწავლეებს საწრეო მუშაობის მიზნები და ამოცანები,შემდეგ ერთად შვიმუშავეთ ქცევის წესები და დავდეთ პირობა,რომ ყველა აღნიშნულ წესს შევასრულებდით და არასოდეს არ დავარღვევდით.ყველა მოსწავლემ თითო წესი საკუთარი ხელით დაწერა ფერადი მარკერით ფორმატის ფურცელზე.შემდეგ ეს ფორმატი გამოვაკარით კლასში თვალსაჩინო ადგილას.
ამის შემდეგ ვუჩვენე მოსწავლეებს პრეზენტაცია,ერთად გავიხსენეთ კომპიუტერთან ჯდომის წესები და ამასთანავე ვუჩვენე ვიდეორგოლები კომპიუტერთან ჯდომისა და უსაფრთხოების წესების შესახებ(ი.ხ.https://tamri999.blogspot.com/p/blog-page_83.html) 
მოსწავლეები იყვნენ აქტიურად ჩართულნი საგაკვეთილო პროცესში,გაკვეთილი გამოგვივიდა ეფექტური და სახალისო.

9.11.2018
მეორე გაკვეთილი

• წრის მეორე გაკვეთილს ესწრებოდა 6 მოსწავლე.
• შევასრულეთ პრაქტიკული სამუშაო წყვილებში კომპიუტერის საშუალებით.

გაკვეთილის მიზანი:მოსწავლეები სიღრმისეულად ისწავლიან Ms Word-ის შიდა ფუნქიებს და ცხელი ღილაკების გამოყენებას.

        მეორე გაკვეთილი დავიწყეთ Word 2016-ში მუშაობით.მოსწავლეებს სიღრმისეულად შევასწავლე ბევრი მათთვის ბუნდოვანი ფუნქციები.
ვასწავლე რომელი ფუნქციიდან შეიძლებოდა კლაკნილი  ხაზგასმა სათაურზე.ამასთანავე მოსწავლეებმა ისწავლეს კოლონიტულის გაკეთება დოკუმენტზე ნუმერაციით,ინტერნეტით მოვაძიებინე Word-ის ფოტო და დასვეს კოლონტიტულის მარცხენა კუთხეში,იმ ზომებით რაც ინსტრუქციით იყო გათვალისწინებული.დოკუმენტს დავურთეთ წყლის ნიშანი წარწერით ,,Word 2016", რომელსაც მივეცით ყვითელი ფერი,კონტურის ფერი კი შავი.მოსწავლეებმა ფურცელზე ტექსტის ზომა და ფონი შეარჩიეს ინსრტუქციის მიხედვით.დავალება და დავალების ინსტრუქცია  Word-ის ფაილზე მქონდა გამზადებული რომელსაც პროექტორით ვუჩვენებდი.ჩემი მითითებებით მოსწავლეებმა აღნიშნულ აქტივობებს ადვილად გაართვეს თავი,ყველა მოსწავლე აქტიურად იყო ჩართული.წყვილები ენაცვლებოდნენ ერთმანეთს კომპიუტერთან მუშაობაში.




13.11.2018
მესამე გაკვეთილი

• წრის მესამე გაკვეთილს ესწრებოდა ყველა მოსწავლე.
• შევასრულეთ პრაქტიკული დავალებები Word-ის ფაილში.მოსწავლეებმა იმუშავეს წყვილებში

 გაკვეთილის მიზანი:მოსწავლეები ისწავლიან ფორმულების უჯრაში გავრცელებას და ტექსტის,ფიგურის,ფორმულის ერთად დაჯგუფებას.

        ჩვენი მესამე გაკვეთილი დავიწყეთ შემდეგი აქტივობით:სათაური დავწერეთ წითელი ფონით,ხოლო ხაზგასმა გავაკეთებინე ლურჯი ფონით.ინტერნეტიდან მოვაძიებინე მოსწავლეებს დედამიწის ფოტო და ჩავასმევინე Word-ის ფაილში.იმ მითითებული ზომებით,რომელიც ინსტრუქციით იყო გათვალისწინებული.ასევე ავიღეთ რამოდენიმე text box,რომელსაც მივანიჭეთ ნარინჯისფერი ფონი და მასში ჩავსვით ტექსტები და ფორმულები Equalation ველიდან.ეს ტექსტები ისრების საშუალებით დავაკავშირეთ დედამიწის ფოტოსთან.შემდეგ ყველა ეს ელემენტები ერთად მოვნიშნეთ და მოვაქციეთ ერთ ჯგუფში.ყველა მოსწავლე აქტიურად იყო ჩართული ამ აქტივობაში,წყვილები ერთმანეთს ენაცვლებოდნენ.ყველაზე მეტად მოეწონათ ფორმულების წერა და ელემენტების დაჯგუფება.


16.11.2018
მეოთხე გაკვეთილი

• რიგით მეოთხე გაკვეთილს ესწრებოდა 5 მოსწავლე.ერთი მოსწავლე ოჯახური პირობების გამო ვერ დაესწრო საწრეო მუშაობას.
• მოსწავლეებს ვასწავლე  ბუკლეტების დამზადება,ბეჭდვის წინა დათვალიერება,დოკუმენტის ბეჭდვა,სკანირება.
• გაკვეთილის მიზანი:მოსწავლეები გაეცნობიან პრინტერის გამომგონებელის ბიოგრაფიას და ამასთანავე შეასრულებენ სამ ფუნქციას პრინტერის საშუალებით,კერძოდ საკუთარი ნაშრომის:ქსეროქსს,სკანირებას და ამობეჭდვას.

                  გაკვეთილი დავიწყე მინილექციით.მოსწავლეებს ვესაუბრე პრინტერის გამომგონებლის შესახებ,როგორი სახის პრინტერები არსებობენ და როგორ ხდება დოკუმენტზე იმ წარწერების გადასვლა,რაც კომპიუტერში ელექტრონულად გვაქვს აღბჭედილი.ამავდროულად ვუჩვენებდი პროექტორით პრეზენტაციას.ამ თემაზე საუბარმა დიდი ინტერესი გამოიწვია მოსწავლეებში,გავმართეთ დისკუსია.
შემდეგ მივეცი დავალება ინტერნეტში მოეძიებინათ სამივე სახის პრინტერის ფოტო და ჩაესვათ ვორდის დოკუმენტში,პროექტორზე ვუჩვენე ჩემს მიერ გამზადებული დავალების ნიმუში,რომლის მსგავსად უნდა შეესრულებინათ დავალება. მოსწავლეებმა ამ დავალებას ძალიან კარგად გაართვეს თავი,დრო მივეცი 20 წუთი.მოსწავლეები მუშაობდნენ წყვილებში.შემდეგ ვასწავლე მათ მიერ მომზადებული დოკუმენტის ბეჭდვისწინა დათვალიერება და ბეჭდვა,ამობეჭდილი მასალის დაქსეროქსება და სკანირება.ამობეჭდილი მასალა მოსწავლეებს სამახსოვროდ გადავეცი.იმდენად სახალისო გაკვეთილი გამოგვივიდა,რომ მოსწავლეებს სურდათ  კიდევ გაგვეგრძელებინა მუშაობა.ყველაზე მეტად მოეწონათ პრინტერის სახეების და მისი დამაარსებლის ისტორიის მოსმენა და ამასთანავე ძალიან მოეწონათ ბეჭდვის და დაქსეროქსების პროცესი.



21.11.2018
მეხუთე გაკვეთილი

• წრის რიგით მეხუთე შეხვედრას ესწრებოდა სულ 5 მოსწავლე.ერთი მოსწავლე არ გამოცხადდა მეცადინეობაზე.
• მოსწავლეებმა იმუშავეს წყვილებში.ერთმა მოსწავლემ მეწყვილეს გარეშე გაართვა თავი მუშაობას.

გაკვეთილის მიზანი: მოსწავლეები ისწავლიან მეხსიერების ბუფერის აქტიურ გმოყენებას,წყლის ნიშანის დატანას დოკუმენტზე და მისი ზომის შეცვლას,კოლონტიტულის გააქტიურების საშუალებით.

             წრეზე ვისწავლეთ მეხსიერების ბუფერის აქტიურად გამოყენება:უნდა გაეხსნათ მეხსიერების ბუფერი,დოკუმენტში სადაც წითლად მქონდა სიტყვა დაწერილი ის ადგილი უნდა დაეკოპირებინათ და შეენახათ მეხსიერების ბუფერში,ამ სიტყვის განმეორების შემთხვევაში კი იგი უნდა ჩაესვათ მეხსიერების ბუფერიდან,ანუ ამ ხერხით მოსწავლეებს ვასწავლე დროის ეკონომია განმეორებად სიტყვებზე.მოსწავლეები ჩემი მითითებების და ინსტრუქციის მიხედვით თავისუფლად ასრულებდნენ ოპერაციებს.მათ მოიძიეს ინტერნეტიდან ორი ფოტო, ჩასვეს დოკუმენტში და ვასწავლე ჩასმა ისეთი ხერხით,რომ ტექსტს გარს ევლო სურათისთვის.ამასთანავე ვასწავლე წყლის ნიშანის დაფორმატება,მისი ზომის შეცვლა,ფერის შეცვლა,მობრუნება და გადანაცვლება.დავალების ტექსტი შევურჩიე შემეცნებითი,ვრცლად მოვუძიე ინტერნეტის ფუძემდებლების შესახებ ინფორმაცია მოსწავლეებს.ამ ხერხით მათ მე გადავეცი როგორც საინტერესო  ინფორმაცია,ასევე ვასწავლე წერის სწრაფი ხერხები და ტექსტის მრავალფეროვნად გაფორმება.მოსწავლეებმა ყველა დავალებას თავი კარგად გაართვეს,თუმცა ცოტა გაუჭირდათ წყლის ნიშანის მობრუნება და დაფორმატება.რაზეც გავუწიე მათ აქტიური თანამშრომლობა,პროექტორით ორჯერ ვუჩვენე ეკრანზე,თუ როგორ შეესრულებინათ ეს დავალება.დანარჩენ საკითხებზე ერთი მითითება საკმარისი იყო. საბოლოოდ ჩვენი შეხვედრა იყო ნაყოფიერი,შემეცნებითი,აქტიური და სახალისო.

27.11.2018

მეექვსე გაკვეთილი

·         რიგით მეექვსე შეხვედრას ესწრებოდა მოსწავლეთა სრული შემადგენლობა - 2 ვაჟი და 4 გოგონა.

·         მოსწავლეებმა იმუშავეს წყვილებში.წყვილები მუშაობის დროს ენაცვლებოდნენ ერთმანეთს.

   გაკვეთილის მიზანი:მოსწავლეები ისწავლიან smart art ფუნქციის აქტიურად გამოყენებას და მასში მონაცემების შეტანას,ცნებათა რუკების აგებას,როგორც ტექსტური ინფორმაციის შეტანას გრაფაში,ასევე ფოტოს განთავსებას.

          წრეზე მოსწავლეებს პროექტორით კედელზე ვუჩვენე შესასრულებელი დავალება და ინსტრუქცია,რომლის მიხედვითაც უნდა ემოქმედათ.მათ ვასწავლე Word-ის დოკუმენტში smart art ფუნქციის აქტიურად გამოყენება.ამასთანავე Word art ფუნქციის დახმარებით სათაურის დაწერა ორმაგი ფუნქციის ჩარჩოს მეთოდით და მისი დაფორმატება.ჩარჩოს ფონი შავი გავაკეთეთ,შიგნით წარწერაში ყვითელი ფერი ჩავასხით.ფურცლის ბოლო კიდურამდე გავაკეთებინე ჩარჩო Page Borders ფუნქციიდან,რომლის ზომები დავარეგულირეთ შიდა პარამეტრებიდან ისე,როგორც ინსტრუქციაში გვქონდა მითითებული.შემდეგ ავირჩიეთ smart art ფუნქციიდან ისეთი მოდელი ,სადაც ფოტოს ჩასმაც შეგვეძლო და გვერდით გრაფაში ტექსტს ვწერდით.ინტერნეტიდან მოვაძიებინე ფოტოები და ჩავასმევინე ჩარჩოებში.თემატიკა ავირჩიეთ სისტემური ბლოკი და მისი შემადგენელი ნაწილები,ინტერნეტიდან მოვაძიებინე აღნიშნული ფოტოები და შემდეგ ყველაფერი გააკეთეს ინსტრუქციის მიხედვით.

      მოსწავლეები დიდი ინტერესით და ხალისით აკეთებდნენ აღნიშნულ სავარჯიშოს,ჩემი დახმარებით აქტიურად გაართვეს ყველა სიძნელეს თავი.მე მათთვის გაუგებარ საკითხს პროექტორით ვუჩვენებდი და ვუხსნიდი,თუ რომელი ფუნქციიდან რომელი ჩანართი აერჩიათ.

30.11.2018

მეშვიდე გაკვეთილი

·         რიგით მეშვიდე შეხვედრას ესწრებოდა მოსწავლეთა სრული შემადგენლობა - 2 ვაჟი და 4 გოგონა.

·         მოსწავლეებმა იმუშავეს წყვილებში.წყვილები მუშაობის დროს ენაცვლებოდნენ ერთმანეთს.
                   გაკვეთილის მიზანი:მოსწავლეები შეძლებენ ინტერნეტში გაფართოებული ძიების პარამეტრების საშუალებით მოიძიონ სხვადასხვა ინფორმაცია,სხვადასხვა თემაზე.

             მეშვიდე შეხვედრა დავიწყეთ ინტერნეტის თემით.გავიხსენეთ ინტერნეტის სახეები,თუ როგორი და როგორი სახის არსებობს,როდის და სად შედგა პირველი ინტერნეტ კავშირი.მოსწავლეებს ავუხსენი ინტერნეტის მნიშვნელობა დღევანდელ მსოფლიოში,ამასთანავე ვუჩვენე 3 წუთიანი ვიდეო ,,ინტერნეტის ერთი დღით გათიშვის შესახებ''  (https://www.youtube.com/watch?v=MVV6fwA3ncc&t=13s.)ასევე გამზადებული მქონდა წინასწარ პრეზენტაცია,რომელსაც პროექტორით ვუჩვენებდი.მოსწავლეებს ვესაუბრე პირველი ქართველი ვებ-საიტის შემქმნელზე,ვაჩვენე 1996 წელს რენე სირაძის მიერ შექმნილი პირველი ქართულენოვანი ვებ-გვერდი,კერძოდ ,,შავლეგო'' და ,დედაენა'' .შემდეგ ვუჩვენე სტატისტიკა წლების მიხედვით ინტერნეტმომხმარებლების.
      მოსწავლეებს გავაცანი გუგლის სერვისი.ვასწავლე გაფართოებული ძიების პარამეტრების გამოყენება.ვესაუბრე ეთიკური ნორმების დარღვევების შესახებ.ასევე გავაცანი გუგლის რუკა და გუგლი თარჯიმანი.
             მოსწავლეებმა დიდი ინტერესი გამოიჩინეს .ყურადღებით მისმენდნენ და აქტიურად მომდევდნენ,ჩემს ახსნილს პრაქტიკული მუშაობით იმტკიცებდნენ.ყველაზე მეტად მოეწონათ გაფართოებული ძიების პარამეტრები,კერძოდ ანიმაციური ფოტოების მოძიება,ფერების და ზომების მითითებებით.ჩატარებული გაკვეთილი მოსწავლეებისთვის იყო სახალისო და ნაყოფიერი.

3.12.2018
მერვე გაკვეთილი

• წრის რიგით მერვე შეხვედრას ესწრებოდა სულ 5 მოსწავლე.ერთი მოსწავლე არ გამოცხადდა მეცადინეობაზე.
• მოსწავლეებმა იმუშავეს წყვილებში.ერთმა მოსწავლემ მეწყვილეს გარეშე გაართვა თავი მუშაობას.

                  გაკვეთილის მიზანი:მოსწავლეები გაიაზრებენ  და აითვისებენ ინფორმაციას ინტერნეტ ტროლების შესახებ და გამოიყენებენ ყოველდღიურ ცხოვრებაში, კერძოდ  სოციალურ ქსელში თავიდან აიცილებენ ინტერნეტ ტროლების თავდასხმას.

               რიგით მერვე შეხვედრისთვის ჩვენი წრის საგაკვეთილო თემა იყო ინტერნეტ-ტროლინგი.ჯერ მოსწავლეებს ვკითხე თუ სმენოდათ რაიმე ტროლების შესახებ.მათგან წამოვიდა სხვადასხვა მოსაზრებები და მათ მოსაზრებებზე დაყრდნობით და ჩემი მითითებებით მივედით საბოლოო სწორ აზრამდე და განვმარტეთ შემდეგ ამ ტერმინის მნიშვნელობა.ასევე მომზადებული მქონდა პრეზენტაცია პატარა ტექსტებით და ფოტომასალით,რომელსაც პროექტორით ვუჩვენებდი მათ.ასევე ინტერნეტ ტროლინგის შესახებ მქონდა მომზადებული 5წუთიანი ვიდეო რგოლი,რომელიც ვუჩვენე მათ.შემდეგ მოსწავლეებს ვუჩვენე ფოტომასალა,თუ სად ცხოვრობს ინტერნეტი და საიდან მოგვეწოდება იგი.როდესაც ამოვწურე ჩემი სათქმელი,შემდეგ მოსწავლეებს ინტერნეტის საშუალეით მოვაძიებინე ფოტოები ტროლების საცხოვრებელი ადგილების შესახებ და გავაკეთებინე პრეზენტაცია.
                 გაკვეთილმა ჩაიარა ეფექტურად.მოსწავლეებს ყველაზე მეტად მოეწონათ,ტროლებზე ინფორმაციის მოძიება და პრეზენტაციის კეთების პროცესი,მათთვის იყო სახალისო.წყვილებმა თავისი პრეზენტაციის ფაილს საკუთარი გემოვნებით შეურჩიეს დიზაინი და ფონი და ჩასვეს ის ფოტო მასალები და ტექსტები რომლებიც ინტერნეტიდან თავად მოიძიეს,ჩემი მითითებების გარეშე.

7.12.2018
მეცხრე გაკვეთილი

•        რიგით მეცხრე შეხვედრას ესწრებოდა მოსწავლეთა სრული შემადგენლობა - 2 ვაჟი და 4 გოგონა
•       მოსწავლეებმა იმუშავეს წყვილებში.წყვილები მუშაობის დროს ენაცვლებოდნენ ერთმანეთს.
•                გაკვეთილის მიზანი:მოსწავლეები გაეცნობიან ინტერნეტ ჰაკერების საქმიანობას და მათ დაჯგუფებებს.ისწავლიან,თუ რა მნიშვნელობა და რა მისია აკისრია ყოველდღიურ ცხოვრებაში თეთრ და შავ ჰაკერებს.

               წრის მეცხრე შეხვედრის თემა იყო  ინტერნეტ-ჰაკერები.მოსწავლეებს
      პროექტორით ვუჩვენე ჩემს მიერ მომზადებულ პრეზენტაციაში განთავსებული ფოტო და თეორიული
      მასალა.განვუმარტე მათ ტერმინის მნიშვნელობა, თუ რა საქმიანობას ეწევიან ჰაკერები.ასევე გავეცანით ჰაკერთა ორ ჯგუფს:თეთრ და შავ ჰაკერებს,მოსწავლეებს გავაცანი 5 ყველაზე ცნობილი ჰაკერის ვინაობა.შემდეგ ვუჩვენე 2  ვიდეო მასალა ჰაკერების  და 5 ყველაზე დიდი ჰაკერული ძარცვის შესახებ.მოსწავლეები ყურადღებით ისმენდნენ ახალ თემას.შემდეგ მათ დავავალე  ინტერნეტის საშუალებით მოეძიებინათ ვიკიპედიაში ჰაკერებზე ინფორმაცია და ფოტოები დაა გაეკეთებინათ პრეზენტაცია.პრაქტიკულ სამუშაოს სამივე წყვილმა წარმატებით გაართვა თავი.მოსწავლეები ხალისით იძიებდნენ ინფორმაციას და სვამდნენ სლაიდებში.სამივე წყვილი ერთდროულად მორჩა მუშაობას.გაკვეთილის ბოლოს შევაჯამეთ შესწავლილი თემა და კიდევ ერთხელ განვმარტეთ შესწავლილი თემა. მათთვის  ყველაზე მეტად საინტერესო აღმოჩნდა თეთრი და შავი ჰაკერების მნიშვნელობის გაგება და ამ სიაში არსებული ადამიანების ვინაობის გაცნობა.

11.12.2018

მეათე გაკვეთილი

•        რიგით მეათე შეხვედრას ესწრებოდა მოსწავლეთა სრული შემადგენლობა - 2 ვაჟი და 4 გოგონა
•       მოსწავლეებმა იმუშავეს წყვილებში.წყვილები მუშაობის დროს ენაცვლებოდნენ ერთმანეთს.

გაკვეთილის მიზანი: მოსწავლეები ისწავლინ  ტერმინ კიბერუსაფრთხოების

განმარტებას და გაეცნობიან კიბერუსაფრთხოების სპეციალისტებს.

              წრის მეათე შეხვედრის თემა იყო  კიბერუსაფრთხოება.მოსწავლეებს

      პროექტორით ვუჩვენე ჩემს მიერ მომზადებულ პრეზენტაციაში განთავსებული ფოტო და თეორიული

      მასალა.განვუმარტე მათ ტერმინის მნიშვნელობა, თუ რა საქმიანობას ეწევიან კიბერუსაფრთხოების სპეციალისტები.შემდეგ ვუჩვენე 2  ვიდეო მასალა კიბერუსაფრთხოების შესახებ.მოსწავლეები ყურადღებით ისმენდნენ ახალ თემას.შემდეგ მათ დავავალე  ინტერნეტის საშუალებით მოეძიებინათ ვიკიპედიაში კიბერუსაფრთხოების შესახებ ინფორმაცია და ფოტოები და გაეკეთებინათ პრეზენტაცია.პრაქტიკულ სამუშაოს სამივე წყვილმა წარმატებით გაართვა თავი.მოსწავლეები ხალისით იძიებდნენ ინფორმაციას და სვამდნენ სლაიდებში.სამივე წყვილი ერთდროულად მორჩა მუშაობას.გაკვეთილის ბოლოს შევაჯამეთ შესწავლილი თემა და კიდევ ერთხელ განვმარტეთ შესწავლილი საკითხები. 

14.12.2018
მეთერთმეტე გაკვეთილი

•      რიგით მეთერთმეტე შეხვედრას ესწრებოდა მოსწავლეთა სრული შემადგენლობა - 2 ვაჟი და 4 გოგონა
•       მოსწავლეებმა იმუშავეს პროექტზე.მუშაობის დროს ისინი ენაცვლებოდნენ ერთმანეთს და ეხმარებოდნენ ერთმანეთს რესურსების შექმნაში.

                     გაკვეთილის მიზანი: მოსწავლეები ისწავლიან პროექტზე მუშაობას,ასევე ძირითადი ინფორმაციის ამოკრებას მოცემული თემიდან და მის შესახებ პროექტის გაკეთებას.
                გაკვეთილის თემა იყო :ფაილის ტიპები და მისი გაფართოებები.გაკვეთილზე განვიხილეთ ფაილური ტიპის პიქტოგრამები,მათი დანიშნულება.ასევე განვიხილეთ ამ ფაილების გაფართოებები,რომელსაც ავტომატურად ამატებს კომპიუტერში ოპერაციული სისიტემა.კომპიუტერში კონტექსტური მენიუს გამოძახების საშუალებით დავათვალიერეთ ამა,თუ იმ ფაილის ტიპის გაფართოება.შემდეგ ვუჩვენე ვიდეო პროექტის შექმნის შესახებ.ჩვენი პროექტისთვის ფაილური ტიპების შესახებ ტექსტური ვერსია ამოვბეჭდეთ კომპიუტერიდან,გავაფორმეთ,გამოვჭერით და დავაკარით ფორმატის ფურცელზე.შესრულებული ნამუშევარი გამოვაკარით თვალსაჩინო ადგილზე.ჩვენი მუშაობა მეტად შრომატევადი და ნაყოფიერი აღმოჩნდა.მოსწავლეები აქტიურად იყვნენ ჩართულნი ამ პროექტში.

18.12.2018
მეთორმეტე გაკვეთილი

•      რიგით მეთერთმეტე შეხვედრას ესწრებოდა მოსწავლეთა სრული შემადგენლობა - 2 ვაჟი და 4 გოგონა
•       მოსწავლეებმა იმუშავეს წყვილებში.მუშაობის დროს ისინი ენაცვლებოდნენ ერთმანეთს.

            გაკვეთილის მიზანი: მოსწავლეები ისწავლიან  მოსაწვევი ბარათების გაფორმებას და დამზადებას.

                 რიგით მეთორმეტე შეხვედრის თემა იყო  საახალწლო მოსაწვევი ბარათების დამზადება.MS Word 2016-ში დავწერეთ მოსაწვევი ბარათის ტექსტი,რომლის ნიმუშსაც ამავდროულად ვუჩვენებდი პროექტორით.მისალოცი ტექსტი როდესაც დაწერეს,გააფორმეს ფოტოებით(საახალწლო ფოტოები მოიძიეს ინტერნეტის საშუალებით),გავუკეთეთ ჩარჩო და შემდეგ მოვნიშნეთ,დავაკოპირეთ და ერთ ფურცელზე განვათავსეთ 3 საახალწლო მოსაწვევი ბარათი.ეს ბარათები შემდეგ ამოვბეჭდეთ,გამოვჭერით და დავურიგეთ სკოლის მოსწავლეებს მშობლებზე გადასაცემად,საახალწლო ზეიმზე რომ მობრძანებულიყვნენ.ეს პროცესი ძალიან სახალისო აღმოჩნდა მოსწავლეებისთვის,ყველაზე მეტად მოეწონათ ამობეჭდვიდ და ბარათების გამოჭრის პროცესი.

              ჩვენი  პირველი სემესტრის  საწრეო მუშაობა ამ გაკვეთილით ამოიწურა.ბოლოს გავაკეთეთ შეჯამება და გავიხსენეთ განვლილი საკითხები,რაც შევისწავლეთ.

25.12.2018.

შემაჯამებელი შეხვედრა

შეხვედრის მიზანი:განვლილი გაკვეთილების განხილვა და მასალის შეჯამება.

გაკვეთილზე განვიხილეთ ყველა შეხვედრა და აღნიშნეს მოსწავლეებმა რომ ყველა თემა იყო მათთვის საინტერესო და დასამახსოვრებელი.

        შეხვედრის ბოლოს მათ გადავეცი სამადლობელი სიგელები.